عايز اعرف حاجة مفيش حد بيفكر فيها

[your mind]

الى عارفة انة محدش ضربنا على ايدينا وخلانا نخش اداب جغرافيا لان احنا عارفين اننا هنبقى فنين والى مش عجبة مكنش دخل

بس نلاقى شغل بس مش اخرتها نروح نشتغل حاجة مش مجالنا

وده برضو رايك لوحدك احنا مش فنيين احنا اخصائيين بنعامل معامله الفنيين وده غلط
واللى يشوف وضع غلط لازم يصلحه انما اللى مش عايز يصلح خليه مايعملش حاجه واحنا باذن الله نصلح لحد ماناخد حقنا احنا شباب جامعى مش دبلوم ولا معهد مع الاحترام لكل الديبلومات على فكره الفكره اللى انتى بتدافعى عنها مستفزه جدا انتى بتدافعى بقوه عن وجهه نظرك اننا فنيين مع اننا بنقولك انتى اخصائيه مساحه مش فنيه لكنك مصره على انك فنى مساحه خريج اداب خريج كليه يعنى زيه زى اى خريج ليه نقلل من نفسنا انا متاكد انك مقتنعه بكلامى لكنك مصره على فكره مش صح
انتى ممكن تحضرى ماستر ودكتوراه يعنى تبقى دكتوره الفنى مايقدرش يعمل كده ومع ذلك انتى بتعاملى كفنيه ده لو خريجه اداب زينا ...

قانون العمل فى الدوله اللى بيقول اننا مش فنيين مش انا

انا مش بدافع عن حاجه مش ليه ولا بغتصب حق حد الدوله قانونا بتساوى كل المؤهلات العليا فى الدرجه العلميه يعنى انتى لو خريجه اداب زيك زى تجاره زيك زى حقوق زى هندسه وتربيه وطب الدرجه العلميه واحده باختلاف مجموع الثانويه باختلاف سنوات الدراسه باختلاف المحتوى العلمى يبقى ازاى كل خريجى الجامعات يبقى ليهم وضعهم كجامعيين واحنا فنيين ؟؟؟ ليييييه ؟؟؟

ايه مصلحتك انتى انك توافقى على تقدير معنوى اقل من درجه تعليمك حتى لو داخله الكليه من البدايه بتبقى عارفه انك اخصائيه مش فنيه بتتخرجى بتفاجئى بالوضع ...يبقى نغير ولا لا

لو كانت مصر استسلمت لوضعها الغلط اللى كان قبل ثوره الحريه عمرنا ابدا ماكنا هانحس بالكرامه والعزه زى دلوقتى ليه ده مايبقاش مبدا عام فحياتنا ليه بالرغم من كل اللى حصل فينا ناس بتطلع علينا بافكار هدامه تحبطنا وترجعنا لورا ليه الاراء بتاعتنا دايما ما بتكونش مبنيه على منطق او دراسه

انتى زميله يعنى اخت ومن الواضح انك مانزلتيش سوق عمل ومش عارفه الفرق بين فنى ومهنى (خريج كليه) فى المعامله وفى الوضع وفى الترقيات وفى الامور الماديه وفى نظره الغير ........عارفه كان فيه عامل بيقولى ايه لما كان بيقولى انت معاك شهاده ايه لما قلتله اداب مساحه افتكرنى بشتغله ولما وريته الكرنيه قالى وايه اللى مشغلك
كده انا كنت فاكر المساحين دول كلهم دبلوم صنايع ايه رايك ؟؟؟

على العموم شكرا على المناقشه لكنى اسف انتى مش هاتغيرى فى فكرى حاجه لانى ماقتنعتش بالفكره اللى بتدافعى عنها اساسا
وعلى العموم فى الاول والاخر فنى جامعى مش عيب طالما عمل شريف المهم بعد كده يبقى عمل شريف ومقنع للاخرين ادبيا

وبرضوا انتى مش اداب

انتى حاولتى تغيرى الموضوع بفكره اننا نلاقى شغل بس واظن ان موضوعنا ده اصلا بيدور حوالين وضع الناس الشغاله مش امكانيه الشغل اعتقد كده انا اللى كسبت